महाराष्ट्रात गॅस सिलेंडरच्या किंमतींबाबत एक महत्त्वाची माहिती आली आहे. जीएसटी (GST) परिषदेने घेतलेल्या नव्या निर्णयानुसार, घरात वापरला जाणारा आणि हॉटेल, दुकानांसारख्या ठिकाणी वापरला जाणारा दोन्ही प्रकारचा एलपीजी (LPG) सिलेंडर आता जुनेच दराने मिळणार आहे. म्हणजेच, घरगुती गॅस सिलेंडरवर ५% जीएसटी लागणार आहे आणि व्यावसायिक गॅस सिलेंडरवर १८% जीएसटी लागणार आहे. त्यामुळे, इतर वस्तूंच्या किंमती कमी झाल्या तरी गॅस सिलेंडरचे भाव मात्र बदलणार.
३ सप्टेंबरला जीएसटी परिषदेची एक मोठी बैठक झाली होती. या बैठकीत अनेक वस्तू आणि सेवांवरील कर (tax) कमी करण्याचा निर्णय घेण्यात आला. २०१७ मध्ये जीएसटी सुरू झाल्यानंतरचा हा एक मोठा बदल मानला जातो. हे नवीन दर २२ सप्टेंबरपासून लागू झाले आहेत. पण गॅस सिलेंडरच्या दरांमध्ये कोणताही बदल करण्यात आलेला नाही.
२८ सप्टेंबर २०२५ रोजी महाराष्ट्रातील काही प्रमुख शहरांमध्ये घरगुती (१४.२ किलो) गॅस सिलेंडरचे दर असे आहेत –
मुंबईत ८५२.५० रुपये, पुण्यात ८५६ रुपये, नागपूरमध्ये ९०४.५० रुपये, नाशिकमध्ये ८५६.५० रुपये, कोल्हापूरमध्ये ८५५.५० रुपये, औरंगाबाद (छत्रपती संभाजीनगर) येथे ८११.५० रुपये, सोलापूरमध्ये ८१८.५० रुपये, ठाण्यात ८६४.५० रुपये, लातूरमध्ये ८७७.५० रुपये, नांदेडमध्ये ८७८.५० रुपये, सांगलीत ८५५.५० रुपये आणि साताऱ्यात ८५७.५० रुपये.
तर वस्तू स्वस्त झाल्या असल्या तरी, घरगुती वापरासाठी लागणारा गॅस सिलेंडर तुम्हाला जुन्याच दरात घ्यावा लागणार आहे.